Qorxma, mən həmişə səninləyəm!

Böyük bir iş iki ilahi peyğəmbərə tapşırılır. Bunu etmək üçün çox çətin şaraitləri var. Ancaq nida gəlir ki, “Qorxmayın! Mən həmişə sizinləyəm və [şəraitinizi] eşidirəm və görürəm". İstəyən hər kəs vədi mütləq gerçəkləşəcək birindən belə yardım və yoldaşlıq ala bilər.

“Firon” Musa peyğəmbərin (ə) dövründə Misir hökmdarına Quranın verdiyi addır. Firon təkəbbür, eqoizm və Allaha qarşı üsyan rəmzidir. Qurani-Kərimin ayələrindən də anlaşıldığı kimi, Musa (ə) və qardaşı Haruna (ə) heç bir imkan və qoşun olmadan Fironun yanına gedib onu ilahi hidayətə dəvət etmək vəzifəsi verilmişdir.

Lakin bu iki peyğəmbər Fironun tüğyan edib onlara zərər verəcəyindən narahat idilər: "Fironun yanına yollanın. O (allahlıq iddiasına düşməklə), həqiqətən, azğınlaşıb həddini aşmışdı. Onunla yumşaq danışın. Bəlkə, öyüd-nəsihət qəbul etsin, yaxud (Rəbbindən) qorxsun! Onlar: Ey Rəbbimiz! (Fironun möcüzə göstərməyimizə hövsələsi çatmayıb) bizə şiddətli cəza verməsindən və ya azğınlaşaraq həddini aşmasından (dikbaşlıq etməsindən) qorxuruq! -dedilər" (Taha, 43-44-45).

Görünür, belə bir vəziyyətdə bu mümkün zərərin aradan qaldırılması üçün xüsusi vasitə və ya qrup köməyi lazımdır. Lakin Allah iki peyğəmbərə üzərində düşünməyə dəyər ifadələrlə müraciət edir: (Allah) buyurdu: “(Allah) buyurdu: “Qorxmayın, Mən də sizinləyəm, (hər şeyi) eşidirəm və görürəm!” (Taha, 46).

Belə bir müraciət onu göstərir ki, Allahın peyğəmbərləri və möminləri iman və Allaha təvəkkül etməklə böyük işlər görə bilərlər. Həmçinin Allahın buyurduğu qəti yolla getsələr, ola biləcək zərərdən narahat olmasınlar. Əgər insanlarda belə güclü bir iman varsa, Allahın “Qorxma, mən səninləyəm” deyə təşviqedici xitabı onlara da şamil edilir.

Allahdan belə bir müraciət hər cür acizlik və qorxudan xilas olan möminə güc və qüvvət verir. Necə ki, Quranın başqa bir yerində buyurur: "Biz ona şah damarından da yaxınıq!" (Qaf, 16). Bu, Allahın insana olan yaxınlığını daha dəqiq təsvir edir.

Möhsin Qəraati “Nur Təfsir”ində bu ayələrlə bağlı bəzi məqamları bəyan edir:

1_ Mümkün problem və maneələri araşdırmaq, gələcək və uğursuzluqdan qorxmaq ixlas və peyğəmbərlik məqamına zidd deyil. (Qorxuruq)

2_ Şayiə yaymaq zalım və zalımların üsuludur. Onlar atmosferi zəhərləyib Allah adamlarını ittiham edirlər. Ya da həqiqəti eşidəndən sonra iğtişaşlar törədirlər ki, onların haqq sözü təsirli olmasın. (Bizə zərər vermək və ya tüğyan etmək)

3_ Allahın hüzurunda olmağa və ilahi yardıma əminlik möminlərin şücaət və mənəviyyat amilidir. (Mən səninləyəm)

4_ Birinə iş tapşırırsınızsa, onu hər cür təmin etməli və ruhiyyə verməlisiniz. (Mən səninləyəm və eşidirəm və görürəm (hər şeyi))

5_ Bütün insanlar Allah tərəfindən rəhmətə şamil olsalar da, Onun lütfü peyğəmbərlər üzərində daha böyükdür.