Waathiriwa wa vita vya Yemen wataka ICC ichunguze jinai za kivita za Muungano wa Saudia
Katika taarifa Jumatatu, kituo cha Guernica 37 International Justice Chambers kimetangaza kuwasilisha ushahidi kwa ICC kuthibitisha uhalifu wa kivita wa muungano unaaongozwa na Saudia na pia uhalifu dhidi ya binadamu uliotekelezwa muungano huo tangu kuanza kwa uchokozi dhidi ya Yemen mwaka 2015.
Mawakili hao, ambao walitoa maoni hayo kwa niaba ya mamia ya manusura na jamaa za waliouawa, walitaka uchunguzi wa visa vitatu, kulingana na taarifa.
Matukio hayo ni pamoja na shambulio la angani la muungano unaoongozwa na Saudi Arabia ambalo liliua watu 140 kwenye mazishi katika mji mkuu Sana'a na shambulio la angani la 2018 kwenye basi la shule kaskazini mwa Yemen ambalo lilipoteza maisha ya watoto wasiopungua 40.
Guernica 37 ilisema muungano unaoongozwa na Saudi Arabia ulikiri wakati huo kwamba "makosa" yalifanywa, ikisema kwamba itafikisha mahakamani wanajeshi wanaoshukiwa kuwa nyuma ya mgomo kwa raia, pamoja na mgomo wa basi la shule.
"Wakati wa shambulio hilo muungano ulidai utachunguza na kuwawajibisha wahusika. Kwa kweli, hawakufanya hivyo," Almudena Bernabeu, mwanzilishi mwenza wa Guernica 37, alisema katika taarifa hiyo.
Yemen imekuwa lengo la kampeni ya kijeshi inayoongozwa na Saudi Arabia na kuungwa mkono na Marekani tangu mapema mwaka 2015. Vita hiyo - ambayo haivikufanikiwa kuirejesha serikali yenye kupata himaya ya Saudia huko Sana'a - vimeacha mamia ya maelfu ya Wayemen wakiwa wamekufa na mamilioni wakipoteza makazi yao.
Kampeni hiyo pia imeharibu miundombinu ya Yemen na kuleta "mzozo mbaya zaidi wa kibinadamu duniani" nchini humo, kulingana na Umoja wa Mataifa.
Katika kuilinda nchi yao dhidi ya uchokozi unaoongozwa na Saudi Arabia, jeshi la Yemen, likishirikaina na jeshi la wanachi waliojitolea, linakabiliana na wavamizi hao na sasa wametumbukia katika kinamasi nchini humo.
