Ang Pagbigkas ng Qur’an ni Shuaisha ay Nagmula sa Kanyang Kaluluwa
Ganito inilarawan ni Ridha Abdul Salam, pinuno ng Radyo Qur’an Cairo, ang maalamat na qari sa isang post sa kanyang pahina ng Facebook.
Sinabi niya na ang pagbigkas ni Shuaisha ay para maipadama sa mga nakikinig ang kadakilaan at kagandahan ng mga talata.
Ang henyo at natatanging kilalang tao na ito ay mula sa unang salinlahi ng paaralang Ehiptiyano ng pagbigkas at naging simbolo ng paaralang ito hindi lamang sa Ehipto kundi sa buong mundo, dagdag niya.
Tinukoy ni Abdul Salam ang isa sa mga pagbigkas ni Shuaisha ng Surah Al-Imran at sinabi nitong nagpapagaan ang kaluluwa ng mga nakikinig sa pagiging makabago at kinang nito.
Ipinanganak noong Agosto 22, 1922, sa Kafr Billa, Lalawiggan ng Kafr El Sheikh ng Ehipto, sinimulan ni Shuaisha ang pag-aaral ng Qur’an sa batang edad at nagawang isaulo ang buong Qur’an sa edad na 14.
Minsan siya ay nakatakas mula sa paaralan upang pumunta sa klase ng Qur’an at matuto ng pagbigkas ng Banal na Aklat.
Mula sa simula, ipinakita niya ang kanyang makikinang na mga talento sa pagbigkas ng Qur’an.
Nagsimula siyang bigkasin ang Qur’an sa mga moske at mga sentrong pangrelihiyon at naging isang kilalang qari na kilala sa buong mundo ng Muslim.
Sa edad na 17, inanyayahan siya sa Radyo Ehipto para sa pagbigkas ng Qur’an.
- Ang Ehiptiyano na Qari Mahmoud Shahat Anwar ay Binibigkas ang Qur’an sa Lebanon
Siya, kasama si Abdul Basit Abdul Samad, ay isang kasapi na tagapagtatag ng ng Unyon ng Mambabasa ng Qur’an sa Ehipto, at noong 1988, siya ay naging pangulo ng unyon.
Naglakbay si Shuaisha sa maraming mga bansa para sa pagbigkas ng Qur’an at pinarangalan para sa kanyang makikinang na pagbigkas sa Lebanon, Syria, Iraq, Turkey, at Jordan, bukod sa iba pa.
Siya ang unang Ehiptiyanong qari na bumigkas ng Qur’an sa Moske ng al-Aqsa sa banal na lungsod ng Quds (Jerusalem).
Ilang beses ding bumiyahe si Shuaisha sa Iran at naglingkod bilang isang miyembro ng lupon ng mga hukum sa ilang pandaigdigan na kumpetisyon sa Qur’an sa bansa.
Namatay ang kilalang qari noong Hunyo 23, 2011, sa edad na 89 matapos makipaglaban sa sakit sa loob ng tatlong mga buwan.
