BMT: “Qəzzada insanlar dünyanın gözü qarşısında ölür”
“TRT Xəbər”in verdiyi məlumata görə, BMT-nin Yaxın Şərq Fələstinli Qaçqınlara Yardım və İşlər Təşkilatının (UNRWA) sosial media hesabında edilən paylaşımda böhrana diqqət çəkilib.
Yazıda “Gözümüzün önündə Qəzzada görünməmiş bir fəlakət baş verir” ifadələri qeyd olunub.
Yazıda blokada altında olan Qəzzanın hər keçən saat “daha çarəsizləşdiyi” vurğulanır və əlavə edilir ki, “insanlar dünyanın gözü qarşısında öldürülürlər”.
UNRWA iki gün əvvəl verdiyi açıqlamada bildirib ki, "16 donor ölkənin UNRWA-ya maliyyə dəstəyini dayandırma qərarından sonra Qəzzada 2 milyondan çox insanın böyük humanitar ehtiyacları dərinləşmə riski altındadır".
UNRWA-nın Baş Komissarı Filip Lazzarini də xəbərdarlıq edib ki, quruma maliyyə dəstəyi dayandırılmağa davam edərsə, bu ayın sonundan sonra onlar böyük ehtimalla təkcə Qəzzada deyil, bütün regionda işlərini dayandırmalı olacaqlar.
BMT-nin Humanitar Məsələlər üzrə Koordinasiya Ofisinin məlumatına görə, İsrailin intensiv hücumu altında olan Qəzza zolağında 2,2 milyon insan aclıq təhlükəsi ilə üzləşib.
İsrailin 7 oktyabrdan bəri Qəzza zolağına təşkil etdiyi hücumlarda azı 12 mini uşaq, 8 min 190-ı qadın olmaqla 27 min 238 fələstinli həlak olub, 66 min 452 nəfər yaralanıb.
Dağıntılar altında hələ də minlərlə ölü olduğu bildirilərkən, insanların sığındığı xəstəxana və təhsil müəssisələri hədəf alınaraq mülki infrastruktur da məhv edilir.
