Şirkin cəmiyyətdən çıxarılması Tövbə surəsinin əsas mövzusudur
Tehran Universitetinin Quran və İtrət Tələbə Məktəbinin elmi heyətinin üzvü Hani Çitçianın “Tövbə” surəsində tədəbbür ilə bağlı mülahizələr silsiləsinin otuzuncusu keçirilib. O, burada "İslam cəmiyyətinin afətlərini tanımaq və onlarla mübarizə yolları" barədə danışıb. Onun mətnini aşağıda oxuya bilərsiniz:
"Kafirun" surəsi Peyğəmbərin (s) peyğəmbərliyinin əvvəlində nazil olmuşdur. Bu onu göstərir ki, Peyğəmbər (s) hərəkatının başlanğıcından bəri əsas problem din məsələsi və kafirlərin əqidəsidir. Allaha və ya Allahdan başqa bir şeyə ibadət etmək istəyəndə bu ibadət din adlı bir həyat tərzi yaradır. Din bir məqsədə çatmaq üçün istifadə olunan proqramlar toplusudur. Tövhidi olmayan bir dinlə əsla ibadətə nail ola bilməzsiniz; Dini və həyat tərzini bütlərdən götürüb Allaha ibadəti onunla həyata keçirmək mümkün deyil. Bu səbəbdən də "Kafirun" surəsinin son ayəsində açıq şəkildə buyurur:
لَكُمْ دِينُكُمْ وَ لِی دِينِ "Sizin dininiz özünüzə, mənim dinim isə özüm üçündür" (Kafirun, 6).
"Sizin dininiz özünüzə” o deməkdir ki, əgər yalnız Allaha ibadət etmək istəyirsənsə, o zaman əməl etməli olduğun bir həyat tərzi var. Bu surənin nazil olduğu vaxtda Peyğəmbər (s) hələ Məkkədə, dəvətinin əvvəlində idi və hələ qüdrətə çatmamışdı. Amma lap başlanğıcda öz siyasətini təqdim edir.
Sistemlər dəyişməsə, bəndəlik olmayacaq və heç bir problem yaranmayacaq. Sən deyə bilməzsən ki, mən Allahdan başqasına ibadət etmirəm, amma mən onların dininə tabe oluram. “Tövbə” və “Bəraət” surəsinin mahiyyəti budur ki, qarşı tərəfin iqtisadi sistemini, təlim və tərbiyəsini və s. tərk etmək istəyəndə dava baş verəcək. Bu ayə başqalarının fikrinə biganəlik göstərmək demək deyil. Həqiqətdə, demək istəyir ki, Allahın bəndəliyinin öz forması, sizin bəndəliyinizin də öz dini və həyat tərzi var.
Tövhidi tətbiq etmək istəyən tövhid sistemində ondan başqa strukturların olması mümkün deyil. İslam dini təkcə namaz, oruc və həcclə məhdudlaşmır. Həm də hökuməti əhatə edir. Bu mənada İslam təkcə şəriət qanunu deyil, həm də Allahdan qeyri bir hakimiyyət idarə sistemlərinin inkarıdır. "Sizin dininiz özünüzə, mənim dinim isə özüm üçündür" ifadəsindən anladığımız budur.
Həzrət Peyğəmbər (s) Mədinəyə gedərək hökumət quranda bu məsələ “Bəqərə” surəsində başqa cür bəyan edilir:
لَا إِكْرَاهَ فِی الدِّينِ قَدْ تَبَيَّنَ الرُّشْدُ مِنَ الْغَيِّ فَمَنْ يَكْفُرْ بِالطَّاغُوتِ وَيُؤْمِنْ بِاللَّهِ فَقَدِ اسْتَمْسَكَ بِالْعُرْوَةِ الْوُثْقَى لَا انْفِصَامَ لَهَا وَاللَّهُ سَمِيعٌ عَلِيمٌ
“Dində məcburiyyət (zorakılıq) yoxdur. Artıq doğruluq (iman) azğınlıqdan (küfrdən) ayırd edildi. Hər kəs Tağutu (Şeytanı və ya bütləri) inkar edib Allaha iman gətirərsə, o, artıq (qırılmaq bilməyən) ən möhkəm bir ipdən (dəstəkdən) yapışmış olur. Allah (hər şeyi olduğu kimi) eşidəndir, biləndir!” (Bəqərə, 256).
Peyğəmbərin (s) Mədinəyə hicrətinin əvvəlində Allah xatırladır ki, İslam hərəkatının mövzusu “küfr” (tağutdan üz döndərmək) olmuşdur. Bu qayğı İlahi İradənin həyata keçirilməsi üçün Peyğəmbərin (s) həyatının əvvəlində, ortasında və sonunda mövcuddur.
Ona görə də siz başqa yerdən idarə formasını ala bilməzsiniz və bunun əvəzinə hökmdarlarınız namaz qılıb oruc tutmalıdırlar. Bu çox vacib bir məsələdir.
"Tövbə" surəsinin əsasını sivilizasiya hadisəsi təşkil edir və cəmiyyəti bütün şirk əməllərindən təmizləmək istəyir. Belə fikirləşməyin ki, o, hakimiyyətə gələndə bunu etmək istəyir, həqiqətdə, o, əvvəldən eyni şeyi deyib və mədəniyyət hərəkatı kimi başlayıb.
İslam cəmiyyəti sivilizasiya hərəkatı etmək istəyirsə, şirki öz strukturundan atmalıdır. Surədə buyurulur ki, müşrikləri qovmaq istəyəndə belə qorxma. Əvvəlki səhnələrdə sizə kömək edən həmin Tanrı bu yolda da sizin yanınızdadır.
4107903
