Hidayət olmuş insan
Elmi hövzənin ustadı Ayətullah Seyyid Rəhim Təvəkkül əxlaq dərsi zamanı hidayət və hidayət əhlinin xüsusiyyətləri ilə bağlı bəzi məqamları bildirib. Onu aşağıda oxuyacaqsınız:
Mərhəmətli Allah bütün kainatın sahibi və hökmdarıdır. O, hər şeyə qadirdir. bütün həmd və təriflər Onun pak zatına aiddir və o, hər şeyə qadirdir. Həmçinin insanların daxilindən xəbərdardır.
Qurani-Kərimdə Allahın bəndələrinə şah damarından daha yaxın olduğu və qəlblərin sirrini bildiyi barədə çoxlu ayələr var. “Allah onların ürəyinə və qulağına möhür vurmuşdur. Gözlərində də pərdə vardır. Onları böyük bir əzab gözləyir!” (Bəqərə, 7).
Əhli-təqva pərhiz edənlərdir. Quran ayələrində bu insanların zikr, diqqət və ayıqlıq əhli olduğu bildirilir. Bunlar kainatla bağlı sualları dərhal cavablandıran və bu cavabı qəbul edən və mömin sayılan insanlar idi.
Allah da bu insanları təqvalı olduqları üçün hidayət əhli adlandırmışdır. Əlbəttə, dedik ki, bu təqva hidayətin bütün mərhələlərində, yəni bu ilk mərhələdən sonra, təqvaları onları imana və haqqa yönəltdikdən sonra işləyir. Bu mərhələdən sonra hansı dərəcədə yüksəlsələr, əgər təqvaları olsa, onları irəli aparar və daha çox hidayət edər və daha çox bəsirət verər. Bu, təqvalıların birinci qrupudur.
İkinci qrup isə cəhalətdə israr edənlərdir. Əgər bu yeni iman onların nəfsani istəkləri ilə qarşılaşarsa və bu istəklərin əks istiqamətində yerləşdirilərsə, onlar bu imanı rədd edən öz cismani istəklərinə təslim olarlar. Belə bir insan hidayət qarşısında dayanar və başqa bir yol tutar.
